باحلم بيك

كل واحد نفسه يكون احسن حاجة فى الدنيا ويكون عنده كل حاجة لكن ما يقدرش يحقق ده طبعا وبيقول انه عنده طموح انه يوصل للمركز الفلانى او انه يحصل على شهادة كذا لكن بيحاول وما بيقدرش يحقق كل حاجة وبيقول كمانه انه نفسه يرتبط بالانسانه اللى بيحبها ويكون عنده اولاد ويدخلهم مدارس الفلانية علشان يتعلموا كويس ويبقوا حاجة تشرف لكن مش دايما بيقدر ينفذ ده زى ما هو عاوز

حاجات كثير نفسنا فيها لكن مش حاجة بتكون زى ما احنا عايزين
يمكن لان الظروف ما سعدتهوش او انه اضطر انه يتنازل عن حلم حياته لانه ما عندوش امكانيات
كل خطوة بنحاول نوصلها بتقابلنا عقبات فنرجع ونقول لا ربنا مش رايد انه يحصل كذا

دايما فيه شماعة بنعلق عليها فشلنا وبنقول انا م فشلتش لان ربنا عايز كده
هو يعنى ربنا واقفلك بالمرصاد!!!؟
كل ما تعوز تعمل حاجة يقف فى طريقك؟

اكيد لا طبعا ربنا بيحبلنا الخير فى وقت حتى لو كنا بعيد عنه فى طريق تانى وبنعمل حاجات تغضبه
ربنا ما خلقناش خنفسه يمشيها زى ما هو عايز ربنا خلق لنا عقل نفكر بيه ونشوف نقدر نعمل ايه
ربنا ما قالش وانت مش معاك ثمن سندوتش فول تروح تاكل كباب
كل حاجة بالعقل زى ما كل حاجة ليها ثمن كمان احلمنا ليها ثمن
يا ترى هتقدر تشترى حلمك؟ اكيد لو معاك ممكن تعمل كده لكن مش معاك لازم تعرف الاول ثمن حلمك ايه
ولو قدرت انك تدبر ثمنه اكيد مش هتتخلى عنه
ولوكان حلمك غالى عليك وانت متمسك بيه اكيد هتحاول انك تحققه باى شكل
يعنى ببساطة لو بتحب بنت ونفسك ترطبت بيها وهى من مستوى اعلى شوية منك
اكيد هتحاول انك ترفع من مستواك شوية ان ما كانش مستواك المادى اكيد مستواك العلمى
وكمان الوظيفة هتحاول انك تشتغل شغلانه كويسه تديلك شوية برستيج قدام اهل العروسة
لان اكيد العروسة بتموك فيك مش شايفة ان فيه فروق كثير مهمة(مراية الحب عامية) تفتكر
لو انت مثلا عاوز تطلع القمر هتعمل ايه؟.......اكيد الاول هتتعلم الطيران وبعدين هتحاول انك تلتحق
بمعسكر لتدريب رواد الفضاء وتاخد كورسات فى الفزياء والكيمياء والالكترونيات
لكن لو انت فكرت فى لحظة انك صعب تطلع القمر اكيد مش هتعرف تركب قطر مش طيارة

لو انت نفسك تكون مع نفسك هتعمل ايه!؟
سؤال صعب؟
ببساطة لازم الاول انك تبعد عن كل اللى حواليك وتروح مكان بعيد واكيد هتبقى مع نفسك
يا سلام هدوء جميل لما الواحد بيكون مع نفسه

ايه رايك لو انت عايز تكون مع ربنا؟
يعنى تعيش وسط الناس من غير ما تتاثر بيهم مش شايف حد قدامك
ربنا هو قدامك بس
هو صاحبك
هو ابوك
هو امك
هو اخوك
هو كل حاجة فى حياتك

تفتكر ممكن يكون صعب؟

الحقيقة لاء ابدا هى دى اسهل حاجة ممكن الواحد يوصلها من غير تعب او مجهود كبير
عارف تعمل ايه؟؟؟؟؟؟؟؟؟؟؟؟؟؟

-----------------------------------
حب ربنا
تعرف تحب ربنا؟

حتى لو كنت وثنى ممكن تحب ربنا
مستغرب؟
الموضوع سهل جدا
فكر انا موجود ازاى؟ اكيد فيه حد اوجدنى
يعنى فيه وجود كبير اكبر من كل الدنيا دى هو اوجدنى واوجد كل الكون ده
احاول اتعرف عليه زى ما بتعرف على اى حد تانى
اوع تفتكر انى اتجننت........لاء ابدا
بص لفوق كده وانده عليه......ايوه انده وقول

يا ايها الوجود العظيم عرفنى ذاتك من انت
يا من اوجدت الحياة
يا من تطعم الدودة فى الارض واليقطينة على الشجر
يا من تاتى للعصفور بالحبة
والشجرة بالمطر
والسمكة بالدودة
يا مثبت الجبال على الارض
يا رافع السماء فوق الهواء
يا من تسمعنى وانا لا اعرفك
عرفنى ذاتك
من انت؟
من تكون؟
اين انت؟
ربما بجانبى انا لا اراك
ربما خلفى انا لا شعر بخطاك
ربما فوقى انا لا اشعر بثقلك
ربما تحتى انا لا اشعر بما يرفعنى
عرفنى ذاتك
مشتاق اليك
مشتاق للمسة يديك
مشتاق لحضنك تخبئنى من نفسى
مشتاق لكلماتك تهدينى
اين انت من كل ما حولى؟
كثر من قالوا انهم يتكلمون بكلامك
منهم من كذب ومنهم من صدق
انا اريدك انت ليس سواك
حبيبـى اين انت
نعم حبيبى لانك اوجدتنى
لانك اطعمتنى
لانك معى
لانك داخلى
نعم اشعر بك داخلى فى كيانى ولا اراك
اشعر بانجذابى نوحك ولا اراك
عطشان لانفاسك
نجحت لانى ابحث عنك
فشلت لانى كنت ابحث عن غيرك
يا كائن منذ الازل والى الابد
يا من بيدك الكون
اشرقت علينا بنور شمسك
وظللتنا بظل قمرك
من تكون؟
عرفنى ذاتك
------------------------------
اكيد لو انت صادق مع نفسك هيكشف لك عن ذاته
باى شكل فى كلمة فى لمحة فى اى شيء
انت وحدك هتقدر تعرف انه هو ده بيكلمك

تفتكر لو انت لك صديق ومش بتكلمه بقالك فترة طويلة اكيد هينساك او على الاقل مش هيهتم يسال عنك
لكن لو بتكلمه كل يوم وبتحكيله كل حاجة جواك
اكيد هيفضل يفتكرك ومش هينساك

ربنا عايزنا نكلمه على طول هو صحيح مش هينسانا حتى لو احنا نسيناه وتوهنا عنه
لكن هنلاقيه معانا فى كل حاجة وفى كل وقت
صدقونى الهدف والطموح الحقيقى هو الوجود الدائم فى معيه معاه
هو وحده
مش معنى كده نبعد عن الدنيا والناس.....لاء
كل المطلوب منك انك تكون فاكره على طول كل حاجة تفكر فيها تساله عنها
اكيد هتنجح فى كل حاجة لانه ببساطة هو اللى ارشدك تعمل ايه ولانه بيحبك جدا
اكثر مما تتخيل
هيرشدك فى كل خطوة
فى نومك
فى جوازك
فى شغلك
فى اكلك
فى شربك
فى دراستك

صدقونى لو فعلا بنعرف نحب ربنا هنعرف ننجح فى كل حاجة

تصدق ان الحلم ده ببلاش من غير ثمن
فعلا من غير ما تتكلف حاجة خالص
كل المطلوب منك انك تحب ربنا
سهله بس انت جرب تتكلم معاه على طول
-----------------------------------------------------
.................................................................................................
linda said...
اولا كلنا بنحلم احلام مابنولهاش والمحظوظ فينا هو الي بيحقق جزء منها مش كلها

اما عن ربنا فالحمد لله بنستشيروا في كل شيء وبنتوجهله بكل شيء بدراستي بحبي بعيلتي بحزني وبفرحي وبكل شيء ربنا يساعدنا اننا نحبو اكتر واكتر ونكون عباد صالحين ونطيعه كأقل حق له

ربنا يغفرلنا زلاتنا ويسامحنا ويغفر لنا ويعفو عنا

بتعرف حاجة كنت مرة بسمع للأستاد عمرو خالد وقال ان ربنا أشفق لنا من الأم الرؤم
فتخيل إحنى بنعملو ايه قدام كل النعم يلي بيهبهالنا منغير اي مقابل

سبحانه وتعالى

ربنا يساعدنا على حسن عبادته

شكرا على الموضوع الرائع

15 مايو, 2007 06:28 م


Sokomonoce said...
linda
الحكاية انه لقيت كثير من الناس بتعرف ربنا من خلال مجرد تصرفات او حركات مسرحية يؤدونها دون روح او اقتناع مجرد عادات
الامر الثانى انه الانسان ممكن يكون فى وقت ضيق فيفتكر ربنا لانه محتاج مساعدة خارقة (على حد فهمه) لكن الواقع غير كدة
الواقع ان الواحد لو فعلا بيحب ربنا اكيد هيكون فرحان حتى لو ما عندوش شيء نهائى معدم ولو هو معاه كل حاجة ممكن تكون مع انسان وما يعرف يحب ربنا مجرد مؤدى فى دور العبادة (على جميع المستويات والاديان كافة) اكيد هيكون اتعس مخلوق على الارض حتى اتعس من صرصار بيتفعص تحت الاقدام

تفتكرى يا ليندا ربنا خلقنا صراصير؟
اكيد لاء
عموما نفسى الناس تفهم يعنى ايه تحب ربنا
اكيد الحياة هتكون ابسط وارق واحلى واسعد
مش انت معايا برضه