فى زمن ما كانت هناك اغنيه وجدتها من فتره بسيطة فاردت لو تستمتعون معي بها رغم اني لم استطع ان احصل على الصوت الا ان الكلمات لها معان جميلة
اشعار الفنان مجدى نجيب
غريبه .. غريبه
غريبه ومش غريبه
إني أكون ويَّا الحبيبه
دنيا مبتسْمَه ورحيبه
وفجأه نكون
زي القلوع
ساعة الغروب مروَّحين
بلا شطوط ولا حنين
وانطفي ف الحال
من غير سؤال
غريبه .. غريبه
غريبه ومش غريبه
إني أكون في لحظه مخيفه
خبر كان وسط الصحيفه
وفجأه أكون
زي السطور
زي السطور المليانين
بحاجات كتيره منوَّرين
وانطفي ف الحال
من غير سؤال
غريبه .. غريبه
غريبه ومش غريبه
إني أكون في خطوه بريئه
مهما أدوَّر ع الحقيقه
وفجأه أكون
زي الجنون
زي الجنون جوَّه العيون
ملوهش لون
ملوهش كون
وانطفي ف الحال
من غير سؤال
هناك 12 تعليقًا:
الغريبه إليِ أكيد مش غريبه
إنني كلما مررت على كليماتك
تمتلىء روحى بصدق إحساسك
الذى يعكس بدوره هدوء نفسك
تحياتى إلى الذوق الراقى :)
أنا غيرت لينك مدونتي وطبعا كان لازم أقوللك (:
مجهول
لا اعرف ان كنت ستصدقسني لكن انا لا ابحث عن الاحداث لكن ربما الاحداث تبحث عني فاجد نفسي امام نفسي ولا اعرف ان اخبىء نفسي من الاخرين فتفضحنى كلماتي وان نظرتى تجدينى محمر الوجه خجلا لا اعرف كيف احتفظ بنفسي داخلها لاني لم اجد جحرا او مغاره اختبيء فيها فواجهت نفسي وخرجت الى العالم باحساسي ومشاعرى ربما اجد من يفهمنى فما وجدت الا قليلين انت منهم
اما الذوق فهو ليس سوي انعكاس لمن حولى وانت منهم
اخجلتنى كلماتك ولم اعرف كيف ادارى خجلى بين كلماتى
امرأة تقول الذي لا يقال
كان لازم تقوليلي طبعا والا انت مش عايزانى ازورك؟
مبروك العنوان الجديد عقبال الملك
مش كفايه ايجار بقى؟
كلنا أغراب في دنيا غريبة
بندور على الوطن وبنلقاه وبعد شوية بنسيبو وكأننا في يوم ما حضناه ولا كأنو في يوم حضن فينا الآه
مين يقدر يقاوم مين يقدر يدوس على نفسو عشان الوطن يعيش؟؟ مش مهم احنى المهم الوطن يعيش
رائعة
لمستني فعلا
أيمكن ان يرجع متحابون دون حنين الا ماجمعهم؟
هدا الغريب الذي لن اتقبله يوما
تحياتي
لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com
حلوة أوي كلمات الأغنية
حسيت فيها إحساس متفرد وسريالي
والخيال فيها جميل اوي
................
ميرسي علي البوست الرقيق ده
youma
اكيد يا يوما لكن فعلا لو بنحب وطنا فعلا هندوس ونموت زى ما اللي قبلنا عملوا
لكن هل فعلا بنحب وطنا؟
linda
كل شيء ممكن فى الحياة المهم ان نتقبل كل ما هو غريب وعجيب
انا ممتن جدا لمتابعة وارجو انك تستمرى تعليقاتك تفيدنى جدا لانك فعلا بتقدرى توصلي للموضوع بسرعة
هــيـبـاتـيـا
الغاليه هيباتيا نحن دائما ورائك نستزيد من علمك فانتمنارة لنا وسط ذلك البحر الهائج
قصاقيص
ميرسي لتشريفك وانا بحاول انى اعبر عن شيء جوايا وما ليش فضل فى كلمات الاغنيه دي من اشعار واحد كبير اسمه الاستاذ مجدى نجيب
وجودك هنا شرف كبير ليا
إرسال تعليق