قالت انا خايفة
قلت خايفة من ايه
من الحب ولا الالم؟!!ـ
قالت الاثنين....ـ
مش كل مرة تسلم الجرة
قلت سيبى الحب يداوى الالم
ونعيش معاه الامل
قالت هو لسة فيه امل؟؟؟
ماخلاص كل شيء راح وانتهى
حتى العمر بينقضى
قلت عيشى الحب
حتى لو كان آخرلحظة حب
سرحت بعنيها العسلية
تاهت فى الماضى واحزانه
دمعة ابتدت تتولد فى عنيها
مديت ايدى ....
ما قدرتش المس الرقة
كريستالة انسابت على خدودها
ساعتها ما استحملتش...
لكن فجاة
رمت راسها فى صدرى
اخذتها فى حضنى وقفلت عليها بجفونى
عارفين ......انا حسيت بنار
نار ولعة جوايا
شعللت كل حاجة جوايا
قلبى ارتجف
بكيت من جوايا
دموع ناشفة
دموع بقالها سنين
يااااااه هى صحيح فى حضنى
هى معايا
لحظات حسيتها سنين
غمضت عينى
وهى لسة فى حضنى
قالت انا معاك حاسة بالامان
النار بقت بركان
مش عارف
ابكى
اضحك
اصرخ
يــــــــــــــــااااااااااااااااه
ضمتها اكثر بين درعاتى
وقفلت جفونى
ضميت شفايفى
وفجأة قالت لى
انت بتبكى؟
انا...لا......لا
لا ازاى!!!؟
انا شايفة دمعة
مدت ادها
مسحت عينى
ارجوك اوعى تبكى
سيبى الدموع تغسل الماضى
هناك 15 تعليقًا:
احلى شئ في اي كلام بيتقال هو مدى شعور القاري بالصدق
و هنا عمق التجربة او الموقف عالي جدا و صادق جدا جدا
المشهد بيمشي بسلاسة و بيتطور بشكل طبيعي جدا بداية من حوار عادي بيكشف عن ذعر الحبيبة وانتهاءا بالكشف عن ان الحبيب هو نفسه مذعور و جرحة مستني اللي يداوية
بجد رائعة
***********************************
الا قلي صحيح يعني ايه سوكومونس؟ من نفس فصيلة الشفلح ولا من فصيلة الفحلقي؟؟
ارجوك وضح
بس بجد المدونة كلها جميلة اوي
عايز الحق والا ابن خالته؟!!
الخوف بقى كل شىء فى حياتنا
متقلهاش متخافيش
لا
قلها من خاف سلم
أد أية حاسيت بيك، أنا كمان دموعى نزلت ، أنت حساس أوى أوى ، ربنا معاك يا سيكو ، أنت فعلاً شخص رومانسى
جميله اوى بس انت وصفت لحظتها لكن مفهمتناش ايه نهايةالقصه يعنى........
اوعى تقولى سيبتو بعض
أحساسها حلو قوى
أسمع كلام طنط كاميرة وقلى اية اللى حصل بعد كدة
بجد أحساسها حلو أنا قريتها 3 مرات ولسة عايز اقراها تانى
حفصوتشا ام مصطفيتش
اشكرك جدا اعتقد ان كل ما الانسان بيتكلم عن مشاعر واحاسيس مش محتاج اكثر من الصدق لان ما ينفعش غير كدة.
هو الحقيقة السوكومونوس دة نوع من انواع البشر الجداد اللى بيحاول يعيش ايام زمان حتى فى الحب.
Aladdin
الحقيقة حلوة قوى بس للى يفهمها واظن انك فاهم
كرانيش
الخوف شيء مهم لحياتنا بس حتى اللى بنحبهم كمان نخاف منهم ....لا آسف هم الدول اللى لازم مانخافش منهم لكن نخاف عليهم بس
some one
شكرا
camera_girl
هو الحقيقة يعنى الموضوع معقد شوية.
انت انسان جميلة قوى وفنانة بجد وصفك للنيل كان مش معقول وعلشان كدة احترم احساسك جدا وفهمك للجمال. لكن ماقلتيش اوع يكون جالك برد من المطر
الأباصيرى
اشكرك جدا يا اباصيرى سيب النهاية للايام مين عارف
سيبوا الدموع تغسل الماضى
ياريت
تحياتى
عين ضيقة
مافيش غير الدموع هى اللي تغسل الماضى
اكيد ماضينا ما يغيرة غيرنا
اشكرك على الزيارة الجميلة
المشكله انه ساعات كتير الدموع مبتمسحش الماضي
انت اللي هتختار تنسي الماضي او لا
وعموما المعظم مبينساش
فكره حلوه انت قولتها لكن
ركز بعد كده ف الاسلوب
جميله جدا اوووي بس الصوره جبتيها منين جميييييله موووووت
حلو ان دموعنا بتغسلنا
بكيت من جوايا
دموع ناشفة
دموع بقالها سنين
الpost دة جميل جدا
سلام عليك يا sokomonoce
بصراحة مقدرتش امنع دموعي
......
حلوة جدا
جميلة جدا و رقيقة جدااااا
دافئة و فيها من الحنان و الاحتواء ما لم اقراءه من قبل في مدونات كثيرة
كتبت عن الحب
.......
جميلة جدا ....لو كانت واقع فحافظ علي تلك الفتاه .فقد احست معك بالامان الحقيقي و هو نادر
ولو كانت مجرد خاطرة..فارجو ان تتحقق
سلام
مها
لو كانت الدموع ممكن تغسل الماضى
ما كنا توقفنا عن البكاء
إرسال تعليق