رسالة بدون عنوان

العزيزة.....................ـ
اى اسم ممكن يمشى مع روحك الرقيقة

من وقت للتانى مش عارف باحس انى لازم ازورك اطمئن عليك فيه دايما شيء بيخلينى قلقان عليك يمكن اكون فى حالة فوضى مش قادر احدد فيها اتجهاتى لكن بيشدنى ليكى حاجة غريبة من اول مرة قريتلك وانا حاسس انك بركان خامل مسيره يوم يطلع كل اللى جواه نفسى احس انك بخير وان روحك الجميلة لسه ما مسهاش شرير لا من قريب او بعيد نفسى اطمئن انك لسه عارفه ان فيه حد ممكن يهتم ويسأل عليك صحيح انا كمان نفسى الاقى حد يسأل على لكن انت اهم عندى مش عارف ليه؟
لحد دلوقت ومن فتره قصيرة عرفتك لكن ما شفتكيش حسيتك لكن ما لمستكيش حتى السلام بتقراه العيون مش بتسمعه الودان
يمكن يجى يوم فيه نتلاقى لكن مش اكيد ويمكن يجى يوم ننسى زى ما غيرنا نسى وفات الزمان ولا سأل ولا عرف ايه الاخبار
تفتكرى عشقت الكلام ولا الاحساس؟
ولا عشقت الاستهبال والسؤال من غير داعى على الفاضى
بشغل نفسى ....قال ايه مهتم بانسان
مش عارف اقولك ايه لكن لقيت ايدى ماسكة الحروف وبتاكلها اكل زى ما يكون فيها جان
مش عارف انا بقولك كده ليه وليه انت بالذات؟
بس تصدقى ولا ما تصدقيش فعلا هو ده اللى كان من غير ميعاد ولا افتكار فى زمان
كله جه كده ورا بعضة من غير حتى سؤال........هو انا ليه بقول كده؟ وليه................. ؟

تفتكر لمعة عنيك هى السبب؟
ولا كسرة كلامك دفعتنى ليكى