آســــف لاخـــــــــر العمـــــــر

مجرد كلمة آسف مش كفاية لكن كمان زى ما الكلمات صعب انها توصف الم كمان صعب ان الحروف تقدم ندم
ايوه ندم عن كل كلمة قلتها فى لحظة الم ويا ريته كان بحق لكن الانسان كثير جدا بيشوف نفسه وبس حتى مع اعز الناس لقلبه
صحيح انا غلط فيها جدا وكمان كنت انانى جدا لما حسيت انها محتاجة تكون مع نفسها
مش قادر اد ايه بعد ما فكرت حسيت انى مش اكثر من حيوان ناطق بيدور على احتياجاته دون الاخذ فى الاعتبار الاطراف الاخرى التى تشاركه الحياة
آسف بجد عن كل لحظه تسببت فيه بالم ليكى
اسف عن كل حرف قلته من غير ما فكر فيكى
اسف عن كل حاجة جت فى فكرى ضدك
ارجوك حتى لو ما سمحتنيش لكن ما تحرمنيش انى اقول آسف
باقولها قدام كل انسان يعرفنى او ما يعرفنيش
بقولها من غير ما ادور وشى لكن بواجه الكل وباقول انا غلطان
غلطان واستاهل حتى الشنق لانى جرحت انسانه رقيقة فى مشاعرها
كل الحكاية انها حاولت تستغل حقها فى الحياه والتامل بعيد عن اى حد
لكن انانيتى هى اللى دفعتنى انى اسلبها حقها حتى ولوكانت مع نفسها
مش مجرد كلمة ممكن تمحى الزعل
لكن بانحنى وباقولك سامحينى
حتى البوسه على الجبين مش كفايه
ولو ينفع كنت بوست الايدين
لكن للاسف المسافات بعيد
بس لو اقدر اجيلك كنت مش بس الايدين
سامحنى انى كنت انانى
صحيح كنت محتاج لك لكن انت كمان كنت محتاجة نفسك
فكرت فى نفسى بعيد عنك ونسيت انى من غيرك كنت بعيد
آه لو اقدر اقول قدام الكل............لكن اسمك جوه فى قلبى محفور مش ممكن يطلع
مش بس اسمك لكن كلماتك وكيانك كله معايا
صدقينى لو اقدر اجيلك
كنت مش بس الايدين لكن كمان...............ـ
سامحينى