مين فينا مش بيغلط؟
ما فيش حد يقدر يقول انى ما غلطش حتى لو كان احكم الحكماء
ولا فيش حد يقدر يقول انى اعرف ايه اللى هيحصل
اكيد شخص فوق كل البشر وده مش موجود
كلنا بنغلط كل يوم لكن مابنعرفش ان الغلطة الصغيرة ممكن تكبر وتبقى شجره
ممكن تبقي نخله وتعيش سنين ويتفرع منها نخل تانى
وتفضل نخلتك واقفه قدامك طول العمر تقولك انا غلطتك فاكر؟
تخيل نفسك لو واقف قدام النخله دى تفتكر ممكن تعمل ايه؟
اصلها نخله يعنى عاليه اللي ما يعرفش سال وعرف
مين زرع النخله؟
مين سقى النخله؟
ليه عمل كده؟
امتى عمل كده؟
اساله كثير جدا تفتكر لو انت واقف قدام النخله دى هتعمل ايه؟
اكيد تبقى عايز تقطعها او تفنيها من الوجود
ما هى اصلها غلطتك انت
انت اللى زرعتها فاكر ولا نسيت
اوعاك تنسى لو نسيت النخله تفكرك او الناس
كل اليمر عليها يفتكرك
ويسلام بقى لو النخله دى طلعت بلح وكان البلح ده طعمه جميل جدا
كل اللى يعدى عليها عايز ياخد منها ويقول ده بلح نخلة فلان
اصل كان زمان عمل كذا وكذا....................وهلم جر
لو نسيت الناس تفكرك
والنخله عاليه يعنى شايفها من بعيد جدا
بلاش النخله خليها شجره ما هى هى
شجره كبرت ورعرعة وطلعت ثمر وعملت ظل
الناس تيجى من اخر الدنيا تقعد تحت الشجره من الحر والعيال تلعب وتسال شجرة مين دى يا بابا
يقوله شجرة فلان
اصله وهو صغير حصل كذا وكذا
تفضل عملك اللى فى الدنيا
صحيح ممكن تكون شجرة حلوه وثمرها حلو
لكن الشجرة نتيجة غلطة
تفتكر لو انت قدام الشجرة دى تعمل ايه؟
مش بتفكرك بغلطتك؟
اى كان غلطة ترتب عليها نتايجة والنتيجة بقت نتائج كثير جدا لانها بتكبر وبتبقى تاريخ طويل ما ينتهيش
فكرتقبل ما تمد ايدك وتعمل الغلطة دى ممكن يحصل ايه؟
فكرت نتيجة غلطتك ممكن تكون ايه؟
مصيبة كبيرة لما بتكون الاخطاء لها نتائج بتنموا زى الشجر والنخل
ما تقدرش تستخبى منها او تنساها لان الناس هتفكرك ولو الناس نسيت الشجرة نفسها تفكرك
كثير بنفكر فى متعتنا احنا من غير ما نعمل حساب النتائج
واحد غلط وبقت الغلطة ماشيه قدامه كل يوم بيشوفها
كل يوم تكبر وتبقى حاجة صعب انك تهرب منها
يا سلام بقى لو بقت بنت جميله قدامك
كل يوم بتكبر ويجي اليوم اللى تسالك فيه
ليه يا بابا؟
ازاى يا بابا؟
ما فكرتش فيا؟
ما فكرتش ممكن يبقى شكلى ايه قدام الناس؟
ما غلططتك هى بنتك؟
هتهرب منها فين؟
مش انت اللى عملتها تبقى بنتك
هى ثمرة من ثمار اشباعك لغرورك تفانيك فى امتاع شهواتك الدنيئة
مش بقول كده علشان حاجة لكن بفكرك ان الغلطة مش هتستخبى مهما كانت
حتى لو كانت صغيرة
مسيرها تكبر وتبقى عاليه وكبيره والناس كلها يعرفوها
تفتكر لو الناس ا عرفتش دلوقت
اكيد هتعرف فى اليوم اللى ما يستخباش فيه خفى
كل شيء سيعلن قدام الناس
شكلك هيبقى ايه؟
فكرت ممكن تعمل ايه؟
مش هتعرف تستخبى
فكرك نفسك قبل ما حد يفكرك
هيجى يوم والناس تقول فلان عمل كده
قبل ماتعمل حاجة فكر هيحصل ايه؟
الندم قبل ما تعمل افضل من بعد ماتعمل
بعدها اديك عملت وخلاص ومستنى النتيجة
لكن قبلها ممكن ماتعملش وترجع ساعتها لحد عرف بتفكر في ايه ولا كنت ناوى تعمل ايه
ربك ستار
لكن برضه الغلط ما بيستخباش
صحيح ربنا رحيم وبيستر على عباده لكن كمان عادل
عادل علشان اللى ناوى يغلط يشوف ممكن يحصل ايه ويتعلم من غيره
انت ناوى على ايه؟
هتغلط ولا تندم انك فكرت فى الغلط؟
صدقنى اتعلم من غيرك وشوف حصله ايه وما تغلطش
غلطتك لها ثمر والثمر مسيره يوم يتكشف قدام الناس
ساعتها مش هتعرف تندم
وايه يفيد الندم بعد فوات الاوان
حتى لو ندمت طول عمرك
احسن لك فكر
اندم دلوقت قبل ما يفوت الاوان
معلهش طولت عليك لكنعلشان خايف عليك قلت لك علشان ما تجيش تقول ما حدش نبهنى
فكر وبعدين قرر
شهوتك ولا نفسك
اختار تلوم نفسك ولا تلومك الناس
ما تدفنش راسك فى الرمل وتقول ما حدش شايف
هيجى الصياد يصطادك وانت مش شايف
ساعتها تقع ومش هتعرف تقوم
خليك قوى وارفس عنك كسلك وتهاونك مع نفسك
ارادتك حصنك اوع تفرط فى مستقبلك
لو ما بحبكش كنت سيبتك تعيش زى تحب تعيش
لكن انت اغلى عندى من الدنيا كلها
مش علشان مستنى منك كلمه ولا شكر صدقنى
لو حسيت فى يوم بمرارة الندم
عمرك كله هتفكر قبل ما تغلط
يوم قلق وفكر احسن من عمر ضايع فى الندم
ليست هناك تعليقات:
إرسال تعليق