رسالة

بالرغم من شدة الالم والمعاناة كانت تلك امنبته ان بكتب رسالته هذة لاصدقاءة واحبائة.....ا

احبائى لا اعرف كيف اقول واعبر لكم عن مدى اشتياقى لعالمكم الجميل ولكن ليس كل مايتمناه المرء يدركه ولكن الحياة تستمر دون توقف رغم سقوط كثيرين ولكن ستظل تستمر بالباقين فيها
اما انت متى تاتى لحظة انطلاقك خارج ذلك القطار فلا تعرف او تتوقع انها لحظة منتظرة بين يوم وآخر فهل انت حقا تستطيع ان تواجه تلك اللحظة؟
انه سؤال صعب الاجابة عليه حتى لو كنت تعرف انك فعلا فعلت كل البر ولكن هناك اكيد نواقص لا تستطيع ان تراها
افكار
مشاعر
احاآت
حركات
انفاس
ان حياة الانسان كبخار يظهر قليلا ثم يضمحل
هل تستطيع ان تمسك به؟
بالطبع ستكون من غير العقلاء ان فعلت ولكنك ستكون من المفضلين اذا استطعت ان تتحسسه وتشعر به
نعم بالتاكيد ستكون من المفضلين ان كان بخارك ذو تاثير على من يحاول ان يمسكه او يتحسسه
الا تعرف كيف!؟
يا لك من شخص غريب حقا...ان البخار يلسع ان كان ساخنا اما اذا كان مجرد دخان يظهر هكذا دو تاثير فانك فى الغالب تحتاج ان تراجع نفسك وتعرف اين تضع قدمك فلحظة الانطلاق من القطار لا تاتى بموعد
البخار يا احبائى له درجات فى التحميص نعم انهم يحمصون البخار اى يرفعون درجة حرارته ويخلصونه من قطرات المياه العالقة به
وهذة العملية مهمة جدا وحساسة لجعل البخار قوة محركة قوية
نعم فان المحركات التى تعمل بالبخار لا تاتى قوتها وسرعتها وقوة ادائها الا اذا كان البخار قد وصل الى درجة معينة من التحميص اى رفع درجة حرارته وتخلصة من الرطوبة الزائدة
اما فى التوربينات الجبارة فهى تستخدم اعلى درجات التحميص كذلك تنفث البخار من ثقوب ضيقة جدا وصغيرة
ربما اذا حاولت ان تتلمسها فلا تستطيع ان تدرك اذا كانت ثقوبا ان سطح املس
كل هذا لرفع كفائة البخار لدفع عجلة ضخمة جدا مثبتة على عامود ادارة قوى ينقل تلك الحركة اى تربينات لتوليد طاقة اكبر

هل ادركت الآن معنى ان تتلمس البخار وتشعر به؟
ان استطعت ان تشعر به فهذا جيد وان كان شعورك به دفعك لعمل اقوى فاعرف انك تلامست مع بخار جيد جدا يستطيع ان يخرج من تلك الثقوب الصغيرة فيعمل عملا قويا في من حوله وان انطلق خارة القطار فلا خوف عليه لانه قام بعمله جيدا جدا فيستطيع يرتاح اخيرا

يا ريت تقدر تستريح لكن مين فينا يقدر يعرف ان كان قام بعمله كامل؟
علشان كده فيه ناس ربنا بيحبهم جدا لدرجة انه بيديهم اشارة او ميعاد تقريبى للانطلاق من القطار
ليه ما تحطش لنفسك ميعاد لانطلاقك كل يوم؟
ساعتها هتعرف انك ممكن تنطلق من غير ما تخاف وتستنى كمان الميعاد ده بفارغ الصبر

يا رب اجعل كل واحد يعرف قد ايه هو اضعف من بخار انت وحدك اللى تقدر تحول الهوا لبخار ويكون مفيد
انت وحدك بس اللى تقدر تنقيه من الرطوبة
انت وحدك اللى تقدر تقويه علشان يستحمل يخرج من ثقب اصغر من ثقب الابره
انت وحدك قادر انك ترحمنا لكن رحمتك فى انك نقودنا لنهاية سعيدة مش حياة سعيدة
آلام واحزان واوجاع كلها مفيدة
كلها تنقى من الرطوبة
الامراض كمان افيد لانها بترفع درجة الحراره
صدقونى لو حد فيكم قدر يعرف اد ايه البخار ممكن يكون مفيد
اكيد هيتمنى يخش المحمصه
طلبت منكم تدعولى فى صلواتكم لكن مش علشان ربنا يرفع عنى المى وهمى
لكن علشان يرفع درجة حرارتى ونقينى من رطوبتى علشان اقدر اخرج من ثقب اصغر من ثقب الابره وانا مبسوط ومرتاح
علشان لما تيجى لحظة الانطلاق من القطار اكون مستنى على باب القطر وانا مش قلقان
كنت مبسوط جدا وانا بكتب الكلام ده وكنت مبسوط اكثر ان فيه ناس بتحاول انها تساعدنى
لكن لى اشتهاء ان تنطلق كل قطرة وتنتشر في كل انحاـء المسكونه علشان تفكر كل الناس قد ايه البخار جبار
افتكرونى دايما يمكن تكون اخر مره اقدر اكلمك فيها
لكن اكيد مش هانساكم ابدا
سوكومونوس


انتهت الرسالة وكله فرح انه استطاع ان ينهيها وكانت تلك رغبته ان ارسلها لكم نيابة عنه
سوكومونوس محتاج ان كل اللي يعرفوه يدعوله ربنا يساعدة