جرح بينزف

الكلام صعب انه يشرح احساس لكن ممكن لو الانسان قريب يفهم قد ايه انت محتاج ايد حنينه تمسع دمعه قبل ما تتولد وتنزل عل الخدود
تفتكر ممكن يكون الانسان فى يوم بيحب وهم
جايز لكن يفضل جواه احساس غريب انه قريب منه قوى لدرجة انه عايش جواه
طيب ليه هو بالذات؟
مش يمكن الخيال ده من دماغك و مش حقيقى
مش يمكن كان بيتهيالك انه موجود؟
تفتكر ممكن الانسان يوصل للدرجة دى
اكيد ممكن لما بيكون محتاج قلب جنب قلبه يطبطب عليه

هوليه كده دايما الجروح بتجرى ورانا هو مافيش غيرنا؟
ليه كده دايما بنلاقى احزان نتكعبل فيها فى كل طريق
حتى لو كان خيال
هو خيال صحيح لكن مش وهم موجود ومش موجود

ليه كده يا قلب دايما مفتوح مش هيجى يوم تتلم علي بعضك وتبطل نزيف؟